დღეს ბრიტანეთის სასამართლომ "ვიკილიქსის" დამფუძნებლის ჯულიან ასანჯის დიდი ბრიტანეთიდან შვედეთში ექსტრადირების გადაწყვეტილება მიიღო. ამის შესახებ Associated Press -ი იტყობინება.
ბრიტანეთის სასამართლოს ეს გადაწყვეტილება, შესაძლოა, ერთი კვირის განმავლობაში გასაჩივრდეს. ასანჯის დაცვის მხარემ უკვე განაცხადა, რომ ამ გადაწყვეტილების გასაჩივრებას აპირებს. უკვე ცნობილია, რომ ავსტრალიელ პროგრამისტს შვედეთში სექსუალური ძალადობის გამო დაკითხავენ.
შეგახსენებთ, 2010 წლის დეკემბერს ჯულიან ასანჯი დიდ ბრიტანეთში დააკავეს. "ვიკილიქსის" დამფუძნებლის მიმართ სისხლის სამართლის საქმის ძიება შვედეთში იმავე წლის აგვისტოში დაიწყო. თავად ასანჯი სექსუალურ ბრალდებებში თავს დამნაშავედ არ ცნობს და სკანდალს "ვიკილიქსის" სკანდალურ მასალას უკავშირებს.
