მუამარ კადაფის შვიდი ვაჟიდან ერთ-ერთი, ყოფილი პროფესიონალი ფეხბურთელი, საადი კადაფი გაზეთ " Financial Times "-თან ინტერვიუში აცხადებს, რომ მამამისი ქვეყნის ცხოვრებაში მნიშვნელოვან როლს ყოველთვის შეასრულებს.
"მამაჩემი ყოველთვის "ნაციის მამა" იქნება, რა პოლიტიკური ცვლილებებიც არ უნდა მოხდეს,"_აღნიშნა კადაფიმ.
ინტერვიუს დროს ლიბიის ლიდერის ვაჟი ტრიპოლში იმყოფებოდა. ჟურნალისტის თქმით, მისი ხმა მშვიდად და დარწმუნებულად ჟღერდა.
საადი კადაფი ირწმუნება, რომ ლიბიის მოსახლეობის 85 % წყნარად განაგრძობს ცხოვრებას. მან, ასევე, დაამატა, რომ დედაქალაქის თითქმის ნახევარი მუშაობას განაგრძობს. მედიაში გავრცელებული ინფორმაციისა და დემონსტრანტების წინააღმდეგ გამოყენებული ძალის მიუხედავად კი, ქვეყნის ეკონომიკა სტაბილურია.
"რასაკვირველია, არიან ადამიანები, რომლებიც მამაჩემის მმართველობის წინააღმდეგ არია განწყობილნი. ეს ნორმალურიცაა. ყველას აქვს უფლება, საკუთარი აზრი გამოხატოს,"_აღნიშნა საადი კადაფიმ.
ამ "შენჯღრევის" შემდეგ ჩვენ ვალდებულნი ვართ, რაიმე შევცვალოთ",_აღნიშნა კადაფიმ.
მუამარ კადაფის ვაჟმა, ასევე, დასძინა, რომ ამჟამად მისი მეორე ძმა სეიფ ალ-ისლამი კონსატიტუციის ტექსტზე მუშაობს და უახლოეს ხანში შესაბამისი განცხადებით გამოვა.
