"ჩვენი საქართველო - თავისუფალი დემოკრატების" ლიდერი ირაკლი ალასანია სამეგრელოში იმყოფება.
როგორც "ჯი-ეიჩ-ენს" ალასანიას პარტიიდან აცნობეს, "თავისუფალი დემოკრატების" ლიდერი ზუგდიდის მაცხოვრებლებს სოფლის მეურნეობის საკუთარ პროგრამას გააცნობს.
"გავაძლიეროთ სოფელი, დავძლიოთ სიღარიბე", ასე ჰქვია სოფლის მეურნეობის განვითარების შესახებ ალასანიას პარტიისეულ პროგრამას. "თავისუფალი დემოკრატების" ლიდერი ზუგდიდელებს ამ წუთებში ხვდება.
