კოსოვოს პრეზიდენტად კოსოვურ-ალბანური წარმომავლობის შვეიცარიელი ბიზნესმენი ბეჯეტ პაკოლი აირჩიეს. უფრო ადრე მისი სახელი რუსეთთან დაკავშირებით სკანდალურ მაქინაციებს დაუკავშირდა. მისი კანდიდატურის სასარგებლოდ ხმა კოსოვოს პარლამენტის 120 დეპუტატიდან 62-მა დეპუტატმა მისცა.
მულტიმილიონერ პაკოლის კანდიდატურა, რომელიც ფირმა "მაბეტექსის" მფლობელია, კოსოვოს მმართველმა დემოკრატიულმა პარტიამ წამოაყენა.
ამასთან, ოპოზიციონერმა დეპუტატებმა ახალი პრეზიდენტის წინააღმდეგ ბოიკოტი გამოაცხადეს. მიზეზად რუსეთის ფედერაციასთან პაკოლის ადრეული საქმიანი კავშირები დაასახელეს, რომელიც თვითაღიარებული კოსოვოს დამოუკიდებლობას მხარს არ უჭერს.
შეგახსენებთ, ბიზნესმენი ბეჯეტ პაკოლი მესამე ტურში გასვლის შემდეგ აირჩიეს პრეზიდენტად, რადგან პირველ ორ რაუნდში მან ხმათა ორი მესამედის მიღება ვერ შეძლო.
ცნობისთვის, წარმოშობით კოსოვოელმა პაკოლიმ ცხოვრების მნიშვნელოვანი ნაწილი გერმანიასა და შვეიცარიაში გაატარა. 1990 წელს მან კომპანია Mavetex-ი დააარსა. კომპანია მშენებლობასთან დაკავშირებულ სხვადასხვა პროექტს ახორციელებს.
რუსეთში პაკოლის სახელი 1990-იან წლებში გახდა ცნობილი. თავდაპირველად მისი კომპანია იაკუტიასთან ბიზნეს-პროექტით იყო დაკავებული, სადაც პაბლ ბოროდინი გაიცნო. მისი დახმარებით, Mაბეტეხ-სს შესაძლებლობა მიეცა, რესტავრაცია განეხორციელებინა კრემლში, თეთრ სახლსა და სხვა სამთავრობო დაწესებულებებში. მოგვიანებით მისი კომპანია რუსი ჩინოვნიკებისთვის 4 მილიონი დოლარის ოდენობით ქრთამის მიცემაში დაადანაშაულეს. თუმცა 2000 წელს პაკოლის წინააღმდეგ აღძრული სისხლის სამართლის საქმე დაიხურა.
