აფხაზეთის მთავრობა ღრმა მწუხარებას გამოთქვამს ავღანეთში სამშვიდობო მისიის შესრულების დროს ქართველი ჯარისკაცის, კაპრალ გიორგი ავალიანის დაღუპვის გამო და უსამძიმრებს გარდაცვლილის ოჯახს.
"საქართველომ დაკარგა ღირსეული შვილი, შეიარაღებული ძალების ერთ-ერთი თვალსაჩინო წარმომადგენელი. ქართველ ჯარისკაცებს, რომლებიც პირნათლად ახორციელებენ სამშვიდობო მისიას ავღანეთში, რაც არაერთხელ აღუნიშნავთ საერთაშორისო არენაზე, სერიოზული წვლილი შეაქვთ საერთაშორისო უსართხოების განმტკიცების საქმეში", - ნათქვამია აფხაზეთის მთავრობის განაცხადებაში.
შეგახსენებთ, რომ ავღანეთში სამშვიდობო მისიის შესრულების დროს ქართველი კაპრალი გიორგი ავალიანი დაიღუპა.
როგორც საქართველოს თავდაცვის სამინისტრო იუწყება, ავალიანი სამხედრო დავალების შესრულების დროს ნაღმზე აფეთქდა. აფეთქების შედეგად დაჭრილები არიან კაპრალი ნიკოლოზ დეისაძე და კაპრალი ედნარ აბულაძე. ისინი გადაყვანილი არიან სამხედრო ჰოსპიტალში.
როგორც საქართველოს თავდაცვის სამინისტრო იუწყება, ავალიანი 32-ე ბატალიონის შემადგენლობაში ISAF -ის სამშვიდობო მისიის ფარგლებში ჰელმანდის პროვინციაში მსახურობდა.
