"ქრისტიან-დემოკრატები~ შეზღუდული შესაძლებლობის პირთა მიმართ სახელმწიფო პოლიტიკას აკრიტიკებენ და მოითხოვენ, რომ შეზღუდული შესაძლებლობის პირთა ცენტრები ვაუჩერული სისტემით დაფინანსებაზე არ უნდა გადავიდეს. ამის შესახებ განცხადება `ქრისტიან-დემოკრატების~ წარმომადგენელმა მაგდა ანიკაშვილმა დღესპარლამენტის სესიაზე გააკეთა.
როგორც მან აღნიშნა, ხელისუფლება 2010 წლიდან შეზღუდული შესაძლებლობის პირთათვის განკუთვნილი ცენტრების ვაუჩერული სისტემით დაფინანსებას აპირებს. შესაბამისად, ამ ცენტრებში უფასოდ მოხვედრის შესაძლებლობა მხოლოდ იმ პირებს იქნებათ, რომელთა ოჯახები სიღარიბის ზღვარს ქვემოთ მყოფთა კატეგორიაში მოხვდებიან. დანარჩენებს კი თვეში 250 ლარის გადახდა მოუწევს.
ანიკაშვილის თქმით, ეს პრინციპი ორმაგად არის მიუღებელი, რადგან, ერთის მხრივ, ეჭვს იწვევს თავად სიღარიბის ზღვარს ქვემოთ მყოფთა სტატუის მინიჭების კრიტერიუმები და მეორეს მხრივ, იმ პირებს, ვინც ამ სიაში ვერ მოხვდებიან, ამ თანხის გადახდა მძიმე ტვირთად დააწვება.
`ეს კი იმას ნიშნავს, რომ ამ ადამიანებს საზოგადოებასთან ურთიერთობის ერთად-ერთ საშუალებას ვუსპობთ და ამით გავზრდით სახლში გამოკეტილი ინვალიდების რიცხვს,~ - აცხადებს ანიკაშვილი.