"ქრისტიან-დემოკრატები~ ბათუმში ძეგლების გადაადგილებას აპროტესტებენ და ბათუმის ხელისუფლებას მოუწოდებენ, დაუყოვნებლივ წარუდგინოს საზოგადოებას გეგმა ილია ჭავჭავაძის ძეგლის გადატანასთან დაკავშირებით.
ამის შესახებ განცხადება დღეს სესიაზე `ქრისტიან-დემოკრატიული მოძრაობის'' ლიდერმა გიორგი თარგამაძემ გააკეთა.
როგორც მან აღნიშნა, `წუხელ ბათუმის ცენტრიდან ილია ჭავჭავაძის ძეგლი მოულოდნელად გააქრეს~.
თარგამაძე არ გამორიცხავს, რომ ილია ჭავჭავაძის ძეგლი ზეპირი დაპირებისამებრ მართლაც უკეთეს ადგილას გადაიტანონ, თუმცა, როგორც აღნიშნავს, მის შეშფოთებას `ბათუმში ძეგლების გადაადგილების პრაქტიკა~ იწვევს, ვინაიდან, როგორც აღნიშნავს, თავის დროზე მემედ აბაშიძის ძეგლიც ასევე გააქრეს ქალაქის ცენტრიდან და ქუჩის ბოლოში, `სამარცხვინო'' ადგილას გადაიტანეს.
`ამიტომ ვშიშობ, რომ ფარულად გამქრალი ილია ჭავჭავაძის ძეგლიც, ასევე სამარცხვინო ადგილას განთავსდება,'' - განაცხადა გიორგი თარგამაძემ. თარგამაძე ითხოვს, რომ ბათუმის ხელმძღვანელობამ დაუყოვნებლივ წარმოადგინოს ახსნა-განმარტება, თუ რატომ ხდება ილია ჭავჭავაძის ძეგლის გადატანა და ამასთან იმ ადგილის სათანადო მოწესრიგების გეგმა, სადაც ძეგლი დაიდგმება