გუშინ პროკურატურისკენ მიმავალი თინათინ რუხაძე „ფეისბუქის“ პოსტით რომ გადადგა, კიდევ ერთი მანიშნებელია იმის, რომ „ქართული ოცნება“ იხრჩობა კორუფციაში, - ამის შესახებ "ლელო-ძლიერი საქართველოს" წევრმა გიორგი სიორიძემ განაცხადა.
სიორიძის თქმით, "ოცნებამ" კორუფცია არნახულ მასშტაბებზე აიყვანა და ეს ვრცელდება როგორც მინისტრების, ასევე დაბაილ რგოლების დონეზეც.
"გუშინ პროკურატურისკენ მიმავალი თინათინ რუხაძე „ფეისბუქის“ პოსტით რომ გადადგა, კიდევ ერთი მანიშნებელია იმის, რომ „ქართული ოცნება“ იხრჩობა კორუფციაში. „ქართული ოცნების“ მაღალჩინოსნები ერთმანეთს ეჯიბრებიან ხალხის ფულის გაყოფაში. მაშინ, როდესაც გუნდში, ივანიშვილის კარზე, გადაწყვეტენ, რომ ვიღაც უნდა გაიწიროს, ვხედავთ, რომ ან თანამდებობას ატოვებინებენ, ან საერთოდაც ციხის გზას გაუყენებენ ხოლმე. ეს არის ის, რაზეც ჩვენ, „ძლიერი საქართველო- ლელო“, თავისუფალი მოქალაქეები, ოპოზიციური სპექტრი წლებია ვსაუბრობთ, რომ „ქართულმა ოცნებამ“ ამ ქვეყანაში შექმნა სისტემური კორუფცია, კორუფცია აიყვანა, მანამდე არნახულ მასშტაბსა და დონეზე, ამას აკეთებენ როგორც პრემიერ - მინისტრების, მინისტრების დონეზე, ასევე, სახელმწიფო აპარატის ყველაზე დაბალი რგოლების მეშვეობით.
ამ სისტემურ კორუფციას არ უშველის ერთი და ორი პირის დემონსტრაციულად გასამართლება. სისტემური კორუფცია დამარცხდება ამ ქვეყანაში „ქართული ოცნების“ რეჟიმის ცვლილებასთან ერთად“,- განაცხადა გიორგი სიორიძემ.
თინათინ რუხაძემ კულტურის მინისტრის თანამდებობა დატოვა. შესაბამის განცხადება რუხაძემ გუშინ სოციალურ ქსელში გაავრცელა.
