ნათელია, რომ „ქოცრეჟიმი“ „ეპარება“ 2024 წლის 28 ნოემბრის კობახიძის განცხადების გამეორებას. „ასეთი ევროკავშირის წევრობა არ მინდა“ კობახიძის ღია წერილით მკაფიოდ ითქვა და სულ უფრო აქტიურად ხმოვანდება „ქოცების“ მიერ,-ამის შესახებ „ოპოზიციური ალიანსის“ ერთ-ერთი ლიდერი, ნიკა გვარამია სოციალურ ქსელში წერს.
ის მოქალაქეებს მოუწოდებს, 26 მაისს რუსთაველის გამზირზე გამოვიდნენ და მკაფიოდ განაცხადონ, როგორი საქართველო სურთ.
"ნათელია, რომ ქოცრეჟიმი “ეპარება” 2024 წლის 28 ნოემბრის კობახიძის განცხადების გამეორებას. “ასეთი ევროკავშირის წევრობა არ მინდა” კობახიძის ღია წერილით მკაფიოდ ითქვა და სულ უფრო აქტიურად ხმოვანდება ქოცების მიერ.
26-ში, 19:00, რუსთაველზე უნდა ვიყოთ ძალიან ბევრნი და უფრო ხმამაღლა და უფრო მკაფიოდ განვაცხადოთ, როგორი საქართველო გვინდა და როგორ დავიბრუნებთ სამშობლოს!
გამარჯვებისთვის, ერთად, ბოლომდე!" - წერს გვარამია.
ცნობისთვის, საქართველოს პრემიერ-მინისტრმა, ირაკლი კობახიძემ განაცხადა: „თუ ევროკავშირი ასეთი უნდა იყოს, როგორიც დანიის მაგალითზე ვიხილეთ, მაშინ რა გვესაქმება ასეთ ევროკავშირში?!“
