არასრულწლოვანი პატიმრების გრძელვადიანი პაემნების რაოდენობა ერთით (4+1) გაიზარდა.
როგორც დღეს ორი კომიტეტის გაერთიანებულ სხდომაზე ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ ლაშა თორდიამ განმარტა, არასრულწლოვან პატიმართა დაწესებულებაში მოწყობილი გრძელვადიანი ინფრასტრუქტურა იძლევა საშუალებას, რომ პაემნების რაოდენობა გაიზარდოს.
აღნიშნულთან დაკავშირებით, დღევანდელ კომიტეტის სხდომაზე "თავისუფალი დემოკრატების" წევრმა, დეპუტატმა გია ცაგარეიშვილმა მოითხოვა, რომ არასრულწლოვანი და ქალი პატიმრებისთვის გრძელვადიანი პაემნების რაოდენობა გაზრდილიყო.
სხდომაზე მხარეები შეთანხმდნენ, რომ "პატიმართა კოდექსში" არასრულწლოვანებს ერთი პაემანი ახლავე დაემატებათ, ხოლო დანარჩენ პირებთან დაკავშირებით გაკეთდება ჩანაწერი, რომლის მიხედვითაც, პაემნების რაოდენობის გაზრდის შესაძლებლობები 2012 წლის ხელახლა გადაიხედება.
შეგახსენებთ, რომ გრძელვადიანი პაემნების შესახებ მომზადებულ თავდაპირველ კანონპროექტში არასრულწლოვანი პატიმრებისთვის გრძელვადიანი პაემანი წელიწადში 3+1, ხოლო სხვა პატიმრებისთვის 2+1 იყო.
