აშშ-ის პრეზიდენტმა, დონალდ ტრამპმა და ევროკომისიის პრეზიდენტმა, ურსულა ფონ დერ ლაიენმა სატელეფონო საუბარი გამართეს. ამის შესახებ აშშ-ის პრეზიდენტი სოციალურ ქსელში წერს.
"შესანიშნავი საუბარი მქონდა ევროკომისიის პრეზიდენტ ურსულა ფონ დერ ლაიენთან. განვიხილეთ ბევრი საკითხი, მათ შორის ის, რომ სრულად ერთიანი ვართ იმაში რომ ირანს არასდროს უნდა ჰქონდეს ბირთვული იარაღი. შევთანხმდით, რომ რეჟიმი, რომელიც საკუთარ ხალხს კლავს, არ უნდა აკონტროლებდეს ბომბს, რომელსაც მილიონების სიცოცხლის განადგურება შეუძლია. დიდი მოთმინებით ველოდები, რომ ევროკავშირი შეასრულებს იმ ვალდებულებებს, რაც ჩვენი ისტორიული სავაჭრო შეთანხმების ფარგლებში აიღო, რომელიც შოტლანდიაში, ტერნბერიში გავაფორმეთ. ეს არის ყველაზე დიდი სავაჭრო შეთანხმება, რაც ოდესმე ყოფილა! იყო დაპირება, რომ ევროკავშირი შეასრულებდა საკუთარ ნაწილს და, შეთანხმების მიხედვით, ტარიფებს ნულამდე დაიყვანდა! მე დავთანხმდი, რომ მივცემ მას ვადას ჩვენი ქვეყნის 250-ე წლის იუბილემდე, წინააღმდეგ შემთხვევაში, სამწუხაროდ, მათი ტარიფები დაუყოვნებლივ მნიშვნელოვნად გაიზრდება“, – წერს ტრამპი.
