აშშ-ის პრეზიდენტმა დონალდ ტრამპი განაცხადა, რომ შეერთებულმა შტატებმა უკვე მიაყენა გადამწყვეტი დარტყმა ირანის სამხედრო ძალებსა და ხელმძღვანელობას, თუმცა ომი არ დასრულდება, ვიდრე თეირანს საბოლოოდ არ შეეზღუდება ბირთვული იარაღის მიღების შესაძლებლობა.
ამის შესახებ ტრამპმა Newsmax-თან ინტერვიუში განაცხადა.
„ჩვენ უკვე გავიმარჯვეთ, მაგრამ მინდა, უფრო დიდი უპირატესობით გავიმარჯვოთ. ჩვენ გავანადგურეთ მათი ფლოტი, ავიაცია, საჰაერო თავდაცვის სისტემები, რადარები და ხელმძღვანელობა. მათი ლიდერობა განადგურებულია. ფაქტობრივად, ყველაფერი გავანადგურეთ,“ - თქვა ტრამპმა.
მისი შეფასებით, ირანი მნიშვნელოვნად დასუსტებულია როგორც სამხედრო, ისე ეკონომიკური თვალსაზრისით და მხოლოდ მკაცრი გარანტიები ბირთვული პროგრამის შეზღუდვაზე უზრუნველყოფს კონფლიქტის გრძელვადიან დასრულებას.
ტრამპის შეფასებით, მხოლოდ სამხედრო წარმატება საკმარისი არ არის.
„ეს რეალურად საკმარისი არ არის. უნდა გვქონდეს გარანტიები, რომ ისინი არასოდეს მიიღებენ ბირთვულ იარაღს,“ — აღნიშნა მან.
ტრამპმა ასევე განაცხადა, რომ, მისი აზრით, ირანი აუცილებლად გამოიყენებს ბირთვულ იარაღს, თუ მას მოიპოვებს.
„გეტყვით, რომ ირანი გამოიყენებს ბირთვულ იარაღს, თუ ის ექნება. მე ამ ადამიანებთან მაქვს საქმე, ვიცი, ისინი გამოიყენებენ ბირთვულ იარაღს და ჩვენ მათ ამის საშუალებას არ მივცემთ,“ - თქვა მან.
