აშშ-ის პრეზიდენტმა დონალდ ტრამპმა განაცხადა, რომ რუსეთის პრეზიდენტო ვლადიმირ პუტინი გარკვეული დროის წინ მზად იყო სამშვიდობო შეთანხმების დასადებად, მაგრამ „ზოგმა ადამიანმა შეუშალა ხელი“.
მან ამის შესახებ პუტინთან გამართულ სატელეფონო საუბართან დაკავშირებით თეთრ სახლში, მისია „Artemis 2“-ის ასტრონავტებთან შეხვედრისას განაცხადა.
„ვფიქრობ, პუტინს სურს უკრაინასთან დაკავშირებით გადაწყვეტილების მიღება. ეს კარგია“, - თქვა აშშ-ის პრეზიდენტმა.
ტრამპმა ასევე აღნიშნა, რომ პუტინს შესთავაზა ნაწილობრივი ცეცხლის შეწყვეტა და მისი აზრით, კრემლის ლიდერი შეიძლება ამაზე დათანხმდეს.
შეგახსენებთ, მანამდე რუსეთის პრეზიდენტის თანაშემწემ, იური უშაკოვმა ჟურნალისტებს განუცხადა, რომ ვლადიმირ პუტინსა და აშშ-ის პრეზიდენტ დონალდ ტრამპს შორის სატელეფონო საუბარი შედგა.
