აშშ-ის ცენტრალური სარდლობა აცხადებს, რომ ამერიკულმა გამანადგურებელმა ირანის დროშის ქვეშ მცურავი გემის მიმართულებით, რომელიც მისი საზღვაო ბლოკადის დარღვევას ცდილობდა, რამდენიმე გასროლა განახორციელა.
„ამერიკელმა სამხედროებმა რამდენჯერმე გააფრთხილეს ირანის დროშის ქვეშ მცურავი გემი, რომ ის არღვევდა აშშ-ის საზღვაო ბლოკადას. მას შემდეგ, რაც Touska-ს ეკიპაჟმა ექვსი საათის განმავლობაში არ უპასუხა მრავალჯერად გაფრთხილებებს, გამანადგურებელმა USS Spruance გემს უბრძანა, დაეცალა ძრავის განყოფილება.
Spruance-მა Touska-ს ძრავის სისტემა მწყობრიდან გამოიყვანა — გემის ძრავის განყოფილების მიმართ რამდენიმე გასროლა განახორციელა 5-დუიმიანი ქვემეხიდან MK 45. ამის შემდეგ ამერიკელი საზღვაო ქვეითები, აშშ-ის საზღვაო ქვეითთა კორპუსის 31-ე საექსპედიციო ქვედანაყოფი-დან, ავიდნენ გემზე, რომელმაც მოთხოვნები არ შეასრულა.
ამჟამად გემი აშშ-ის კონტროლის ქვეშ იმყოფება", - ნათქვამია სარდლობის განცხადებაში.
ცნობისთვის, მანამდე, აშშ-ის პრეზიდენტმა დონალდ ტრამპმა განაცხადა, რომ ირანის დროშის ქვეშ მცურავი სატვირთო გემი Touska აშშ-ის საზღვაო ბლოკადის გარღვევას ცდილობდა, თუმცა ამერიკულმა ძალებმა ის შეაჩერეს. მისივე თქმით, ამ დროისთვის გემი აშშ-ის საზღვაო ქვეითების კონტროლის ქვეშაა.
