ირანის პარლამენტის სპიკერმა მოჰამად ბაგერ ღალიბაფმა განაცხადა, რომ ცეცხლის შეწყვეტა მისი ქვეყნისთვის გამარჯვებაა, რადგან აშშ-მა ვერ შეძლო რეჟიმის დამხობა და სხვა ქვეყნების მხარდაჭერის მოპოვება ჰორმუზის სრუტეზე კონტროლის დასამყარებლად.
ამის შესახებ ღალიბაფმა ირანის სახელმწიფო მედიის ეთერში განაცხადა. იუწყება The New York Times
„როდესაც მტერი ვერ აღწევს თავის მიზნებს, ეს ნიშნავს, რომ მან მარცხი განიცადა,“ - განაცხადა მან.
ღალიბაფის თქმით, აშშ-მა და ისრაელმა არა მხოლოდ ვერ შეძლეს ირანის მთავრობის დამხობა, არამედ საერთაშორისო ასპარეზზეც ვერ მიაღწიეს წარმატებას, რადგან ვერ მოახერხეს სხვა ქვეყნების გაერთიანება ჰორმუზის სრუტეზე კონტროლის დასამყარებლად.
ამასთან, მან აღიარა მოწინააღმდეგეების ეკონომიკური და სამხედრო უპირატესობა.
„ჩვენ მტერი არ გაგვინადგურებია; მას კვლავ აქვს ფული და იარაღი, მაგრამ სტრატეგიულად მან ჩვენთან შედარებით მარცხი განიცადა“, — განაცხადა ღალიბაფმა.
