უკრაინის პრეზიდენტმა ვოლოდიმირ ზელენსკიმ განაცხადა, რომ ბელარუსის საზღვართან უკრაინის მიმართულებით მიმდინარეობს გზების მშენებლობა და საარტილერიო პოზიციების მოწყობა.
მისი თქმით, ინფორმაცია მიიღო უკრაინის შეიარაღებული ძალების მთავარსარდლის ალექსანდრ სირსკის მოხსენების შემდეგ.
" ფიქსირდება ოკუპანტი ძალების გადაჯგუფების მცდელობები, რაც შესაძლოა უკავშირდებოდეს ცოცხალი ძალის დეფიციტის კომპენსირებას. მისი თქმით, სწორედ ამ კონტექსტში ხდება უფრო ნათელი, რატომ გააქტიურდა სამხედრო აქტივობა ბელარუსის ტერიტორიაზე.
პრეზიდენტის განცხადებით, დაზვერვის მონაცემებით, ბელარუსის საზღვართან მიმდინარეობს გზების გაყვანა უკრაინის მიმართულებით და საარტილერიო პოზიციების მოწყობა, რაც შესაძლოა რუსეთის მცდელობა იყოს, კვლავ ჩართოს ბელარუსი ომში",- განაცხადა ზელენსკიმ.
ზელენსკიმ ასევე აღნიშნა, რომ მან შესაბამისი არხებით გააფრთხილა ბელარუსის ფაქტობრივი ხელმძღვანელობა უკრაინის მზადყოფნის შესახებ საკუთარი მიწისა და დამოუკიდებლობის დასაცავად.
"ბოლო პერიოდში ვენესუელაში განვითარებული მოვლენები უნდა იყოს გამაფრთხილებელი მაგალითი ბელარუსის ხელმძღვანელობისთვის", - .თქვა მან.
