აშშ-ის პრეზიდენტმა, დონალდ ტრამპმა განაცხადა, რომ შეერთებული შტატები დაიწყებს ჰორმუზის სრუტეში შემავალი და გამომავალი ყველა გემის ბლოკადას.
ამის შესახებ ტრამპი Truth Social-ში წერს.
„ამ მომენტიდან აშშ-ის საზღვაო ძალები, მსოფლიოში საუკეთესოები, დაიწყებენ ნებისმიერი გემის ბლოკირებას, რომელიც შეეცდება შევიდეს ჰორმუზის სრუტეში ან გამოვიდეს იქიდან.
ტრამპმა აღნიშნა, რომ პაკისტანში გამართული მოლაპარაკებები „კარგად წარიმართა და პუნქტების უმეტესობაზე შეთანხმება მიღწეულია“.
როგორც შეერთებული შტატების პრეზიდენტმა განმარტა, ყველაზე მნიშვნელოვან საკითხზე, ბირთვულ პროგრამაზე შეთანხმება ვერ შედგა.
ერთ მომენტში მივალთ იქამდე, რომ ‘ყველას მიეცემა შესვლის უფლება, ყველას მიეცემა გასვლის უფლება’, მაგრამ ირანმა ეს არ დაუშვა, უბრალოდ თქვა: ‘იქ სადღაც შეიძლება იყოს ნაღმი’, რომლის შესახებაც მათ გარდა არავინ იცის. ეს არის მსოფლიო მასშტაბის გამოძალვა.“
ტრამპი ასევე წერს, რომ მან „დაავალა საზღვაო ძალებს, შეაჩერონ და შეამოწმონ ყველა გემი საერთაშორისო წყლებში, რომელმაც ირანს გადასახადი გადაუხადა“, და რომ აშშ-ის საზღვაო ძალები დაიწყებენ „სრუტეში განთავსებული ირანული ნაღმების განადგურებას“.
„არავის, ვინც უკანონო გადასახადს იხდის, არ ექნება უსაფრთხო გასვლა ღია ზღვებზე“, -წერს ის და ამატებს: „ნებისმიერი ირანელი, ვინც გვესვრის ჩვენ ან მშვიდობიან გემებს, მთლიანად განადგურდება!“
„ბლოკადა მალე დაიწყება“, - წერს ტრამპი.
