ბოლო ექვსი თვის განმალობაში სამომხმარებლო ფასების ზრდის შედეგად, მსოფლიოში დამატებით 44 მილიონი ადამიანი სიღარიბის ზღვარს მიღმა აღმოჩნდა. გაჭირვების მთლიანმა მოცულობამ 1,2 მილიარდი ადამიანი მოიცვა. ამის შესახებ მსოფლიო ბანკის დასკვნაშია აღნიშნული.
საერთაშორისო სტანდარტების თანახმად, სიღარიბის ზღვრად ითვლება ერთი დღე-ღამის განმავლობაში 1, 25 დოლარის ოდენობით შემოსავალი ერთ სულზე.
"საყოფაცხოვრებო პროდუქტებზე ფასები დღითიდღე ძვირდება. საკვები პროდუქტების ფასები 2010 წლის ოქტომბრიდან 2011 წლამდე 15 %-ით გაიზარდა,"_ნათქვამია მსოფლიო ბანკის კომუნიკეში.
ამავე დოკუმენტის თანახმად, უკანასკნელი ექვსი თვის მანძილზე ხორბალზე, სიმინდზე, შაქარზე, კარაქსა და ბრინჯზე ფასებმა იმატა.
