სრულიად საქართველოს კათალიკოს-პატრიარქი, უწმიდესი და უნეტარესი, მცხეთა-თბილისის მთავარეპისკოპოსი, ცხუმ-აფხაზეთის მიტროპოლიტი ილია მეორე დიდი ბრიტანეთიდან საქართველოში 16 თებერვალს, გამთენიისას დაბრუნდება.
როგორც "ჯი-ეიჩ-ენს" საპატრიარქოს პრესსამსახურიდან აცნობეს, თვითმფრინავი, რომლითაც საპატრიარქოს დელეგაცია ჩამობრძანდება, თბილისის საერთაშორისო აეროპორტში 03.30 საათზე დაეშვება.
შეგახსენებთ, დიდ ბრიტანეთში პატრიარქი კენტერბერიის მთავარეპისკოპოს უილიამის მიწვევით 4 თებერვალს გაემგზავრა.
ვიზიტის ფარგლებში, ილია მეორემ ლონდონში მდებარე ქართული ტაძრის კურთხევასა და ქართული სიმღერის კონცერტს დაესწრო. 9 თებერვალს ილია მეორე დიდი ბრიტანეთის გაერთიანებული სამეფოს დედოფალ ელისაბედ მეორეს და ანგლიკანური ეკლესიის მთავარეპისკოპოსს შეხვდა.