შიიტურმა დაჯგუფებამ, „ჰეზბოლამ“ ისრაელის მიმართულებით 200-მდე რაკეტა გაუშვა. თავდასხმის შედეგად ორი ადამიანი დაშავდა.
ისრაელის მედიის ცნობით, პირველ ეტაპზე ლიბანიდან ისრაელის ჩრდილოეთ რაიონების მიმართულებით 100-მდე რაკეტა ისროლეს, რამდენიმე საათის განმავლობაში კი – კიდევ 100 რაკეტა. განგაშის სიგნალები ლიბანის საზღვრიდან 50 კილომეტრის რადიუსში მდებარე დასახლებებში ჩაირთო.
საერთო ჯამში, ისრაელის თავდაცვის ძალების შეფასებით, „ჰეზბოლამ“ რამდენიმე საათის განმავლობაში ჩრდილოეთის მიმართულებით დაახლოებით 200 რაკეტა ისროლა. ყველა რაკეტაs ისრაელის საზღვარი არ გადაუკვეთავს.
