ხმელთაშუა ზღვაში ცეცხლი გაუჩნდა რუსეთის დროშის ქვეშ მცურავ ტანკერ Arctic Metagaz-ს, რომელიც თხევად ბუნებრივ აირს გადაჰქონდა. ამის შესახებ Reuters წერს.
წყაროების ცნობით, ბოლო შეტყობინების მიხედვით, ტანკერი მალტის სანაპიროსთან იმყოფებოდა.
ერთ-ერთმა წყარომ აღნიშნა, რომ გემს შესაძლოა უკრაინული დრონი დასხმოდა თავს,
მალტის შეიარაღებულ ძალებში განაცხადეს, რომ მათ ხანძრის შესახებ შეტყობინება მიიღეს და გემთან მივიდნენ.
გემის ეკიპაჟი ლიბიის სამძებრო-სამაშველო რეგიონში, სამაშველო ნავში უსაფრთხოდ იპოვეს.
Arctic Metagaz აშშ-სა და დიდი ბრიტანეთის სანქციების ქვეშაა რუსეთის არქტიკული ტერმინალებიდან ჩინეთში თხევადი ბუნებრივი აირის ტრანსპორტირების გამო.
