საქართველოს განათლებისა და მეცნიერების მინისტრი დიმიტრი შაშკინი სამუშაო ვიზიტით დიდ ბრიტანეთში იმყოფება. მინისტრმა ვიზიტის ფარგლებში ლონდონის ქართული საკვირაო სკოლა მოინახულა, სადაც დაესწრო ქართულის გაკვეთილს და მოსწავლეებს ქართული წიგნები გადასცა.
მინისტრის განცხადებით, საქართველოს განათლებისა და მეცნიერების სამინისტრო მომავალშიც განაგრძობს მსგავს შეხვედრებს საზღვარგარეთ არსებულ საკვირაო სკოლებში და მათთან მჭიდრო თანამშრომლობას გეგმავს.
გაერთიანებულ სამეფოში პირველი ქართული სკოლა 2002 წლიდან ფუნქციონირებს. წლების მანძილზე ეს სკოლა ერთადერთი ქართული საკვირაო სკოლა იყო მთელს ევროპაში. დღეისთვის სკოლაში 130-მდე ბავშვი და 7 მასწავლებელია რეგისტრირებული, რომლებიც გაერთიანებულ სამეფოში მცხოვრობ ქართველ ბავშვებსასწავლიან. სკოლაში ასევე მოქმედებს საბავშვო ბაღიც.
სკოლა მასწავლებელთა კვალიფიკაციაზეც ზრუნავს. სკოლაში სიტემატურად ტარდება ტრენინგები როგორც დამწყები ისე მოქმედი მასწავლებლებისთვის.
