ოფიციალური მოსკოვი იმედოვნებს, რომ კრიზისიდან ეგვიპტის გამოყვანა არაძალადობრივად მოხდება და ამ ქვეყანაში დემოკრატია გამყარდება. ამის შესახებ ნათქვამია რუსეთის ფედერაციის საგარეო საქმეთა სამინისტროს ოფიციალური წარმომადგენლის ალექსანდრე ლუკაშევიჩის განცხადებაში.
"ვიმედოვნებთ, რომ კრიზისიდან გამოყვანის პროცესი ყველა ეგვიპტელის ინტერესიდან გამომდინარე მოხდება და არაბეთის ამ საკვანძო ქვეყანაში დემოკრატია გამყარდება", _ ნათქვამია ლუკაშევიჩის განცხადეაბაში.
"კვლავინდებურად დარწმუნებულნი ვართ, რომ ეგვიპტელი ხალხი, გარედან ჩარევის გარეშე, საკუთარი ქვეყნის ბედისა და მომავლის განსაზღვრას შეძლებს," _ აცხადებს ლუკაშევიჩი.
