საქართველოს პრეზიდენტ მიხეილ სააკაშვილის განცხადებით, 2015 წლისთვის საქართველოს სხვადასხვა რეგიონში 24-საათიანი წყალმომარაგება იქნება. ამის შესახებ საქართველოს პრეზიდენტმა მიხეილ სააკაშვილმა საქართველოს პარლამენტის წინაშე წლიური საანგარიშო მოხსენებით გამოსვლისას განაცხადა.
"საქართველოში კატასტროფული შედეგი მოგვცა უწყლობამ. 2015 წლისთვის არა მხოლოდ თბილისში იქნება 24-საათიანი წყალმომარაგება, არამედ ქუთაისშიც. ზუგდიდში იქნება თანამედროვე წყალსადენი, ბორჯომშიც უკვე მთავრდება სამუშაო. ყველა კურორტზე იქნება თანამედროვე წყალსადენი. ბათუმში წყალსადენი და კანალიზაცია", - განაცხადა სააკაშვილმა პარლამენტში ყოველწლიურ გამოსვლაში.
მისი თქმით, ყველა დიდი პუნქტი საქართველოს ტერიტორიაზე იქნება აღჭურვილი თანამედროვე წყალსადენებითა და კანალიზაციით, რომელიც აქამდე არასდროს ღირსებია ქართველ ხალხს.
