უნგრეთის საგარეო საქმეთა მინისტრმა პეტერ სიიარტომ განაცხადა, რომ ბუდაპეშტი არ დაუჭერს მხარს ევროკავშირის ერთობლივ განცხადებას გრენლანდიასთან დაკავშირებით და მას „ორმხრივ საკითხად“ მიიჩნევს. ამის შესახებ მან პრაღაში ვიზიტის დროს განაცხადა.
სიიარტომ განაცხადა, რომ ბუდაპეშტის პერსპექტივიდან, გრენლანდიის მომავალთან დაკავშირებული დავა ევროკავშირის საქმე არ უნდა იყოს და, შესაბამისად, უნგრეთი ამ საკითხთან დაკავშირებით ევროკავშირის ერთობლივ განცხადებას არ შეუერთდება.
„ჩვენ მიგვაჩნია, რომ ეს ორმხრივი საკითხია, რომლის მოგვარებაც ორ მხარეს შორის მოლაპარაკებების გზით შეიძლება. არ მგონია, რომ ეს ევროკავშირის საქმე იყოს - სწორედ ამიტომ აღვნიშნეთ გუშინ მუდმივი წარმომადგენლების შეხვედრაზე, რომ არ მიგვაჩნია საჭიროდ ან შესაძლებლად ევროკავშირის ერთობლივი განცხადებით გამოსვლა“, - განაცხადა უნგრეთის საგარეო საქმეთა მინისტრმა.
