როგორც ჩანს რუსეთისათვის პრიორიტეტული ტერიტორიების საკითხებია და არ მგონია ისინი რაიმე კომპრომისზე წავიდნენ. აცხადებს აშშ-ს კვლევის ცენტრის წარმომადგენელი ტობი გატი კუნძულებთან დაკავშირებით არსებული სიტუაციის კომენტირებისას. მისივე თქმით, ამასთან ერთად, რუსეთს მოუწევს არჩევანის გაკეთება იაპონურ კომპანიებსა და კურილიის კუნძულებს შორის.
"ვფიქრობ რუსეთმა უნდა გააკეთოს არჩევანი იაპონურ კომპანიებსა და კურილიის კუნძულებს შორის. ამის გაკეთება ადვილი არ იქნება, ვინაიდან იაპონური ინვესტიციები რუსეთის ეკონომიკისათვის ძალიან მნიშვნელოვანია და ამავდროულად მათ არ სურთ მიიღონ მეორე საგარეო პოლიტიკური კრიზისი.
ამასთან რუსეთს სჭირდება სანდო პარტნიორი აზიაში და კურილიის თემის გამძაფრებით ისინი დაგარგავენ მოკავშირეს იაპონიის სახით. თუმცა როგორც ჩანს რუსეთისათვის პრიორიტეტული ტერიტორიების საკითხებია და არ მგონია ისინი რაიმე კომპრომისზე წავიდნენ", _ აცხადებს ტობი გატი.
აღსანიშნავია, რომ მოსკოვს იაპონიასთან ურთიერთობები ეძაბება. დიპლომატიური პროტესტი უკვე სამხედრო ძალის დემონსტრირებაში გადაიზარდა. მოსკოვმა სადავო კუნძულებზე შეიარაღებული ძალები გადაისროლა. დღეს კრიზისის ფონზე პირველი მოლაპარაკებები ედგა. იაპონიის საგარეო საქმეთა მინისტრი მოსკოვში ჩავიდა და ითხოვს პასუხს კითხვაზე - რატომ ახდენს რუსეთი შეიარაღების კონცენტრაციას იაპონიის საზღვრებთან. ცნობილია ასევე ისიც, რომ საფრანგეთისაგან ნაყიდ ვერტმფრენმზიდ "მისტრალს" მოსკოვი სწორედ იაპონიის ტერიტორიაზე განათავსებს. დღეს სერგეი ლავროვისა და მის იაპონელი კოლეგის საგანგებო ბრიფინგი გაიმართება, რის შემდეგაც ცნობილი გახდება, რა ეტაპზეა დიპლომატიური სკანდალი მოსკოვსა და ტოკიოს შორის.
