უკრაინის პრეზიდენტმა ვოლოდიმირ ზელენსკიმ განაცხადა, რომ არჩევნების გამართვა ორ რამეზეა დამოკიდებული: უსაფრთხოებასა და კანონმდებლობაზე.
ამის შესახებ ზელენსკიმ და პორტუგალიის პრემიერ-მინისტრ ლუის მონტენეგროსთან ერთობლივ პრესკონფერენციაზე განაცხადა.
„პუტინის გადასაწყვეტი არ არის, როდის და რა ფორმატით ჩატარდება არჩევნები უკრაინაში. ის, რა თქმა უნდა, არ არის უკრაინის მოქალაქე და რა თქმა უნდა, გავლენას ვერრ მოახდენს შედეგებზე ან სხვა რამეზე.
რა თქმა უნდა, არსებობს უცხოეთში ხმის მიცემის პრაქტიკა; ამჟამინდელ სიტუაციაში, პროცესი გართულდება უკრაინელების რაოდენობის გამო, მაგრამ საგარეო საქმეთა სამინისტროს ამისთვის ყველა საჭირო ამოცანა აქვს და მათ უკვე დაიწყეს ამაზე მუშაობა.
მათ აქვთ კონტაქტები ჩვენს პარტნიორებთან საზღვარგარეთ და ამისათვის ჩვენ უნდა შევთანხმდეთ საზღვარგარეთ შესაძლო ინფრასტრუქტურაზე, რათა ის მოსახერხებელი იყოს ხმის მიცემისთვის.
ნებისმიერ შემთხვევაში, მე მჯერა, რომ როდესაც არჩევნები ჩატარდება, კერძოდ, როდესაც უსაფრთხოების სიტუაცია ამის საშუალებას მოგვცემს, მაშინ უკრაინაში უკრაინელების დიდი რაოდენობა ჩამოვა,“ - განაცხადა ზელენსკიმ.
პრეზიდენტის თქმით, დროებით ოკუპირებულ ტერიტორიებზე არჩევნების ჩატარება შეუძლებელია.
„როგორც რუსეთი ყოველთვის აკეთებს: ჯერ შიდა არჩევნების შედეგებზე საუბრობს და შემდეგ ხმებს ითვლის“, - თქვა ზელენსკიმ.
ზელენსკიმ აღნიშნა, რომ მნიშვნელოვანია, რომ სამხედრო პერსონალს, ისევე როგორც ყველა მოქალაქეს, შეეძლოს ხმის მიცემა.
მან დასძინა, რომ
„ჩვენმა ამერიკელმა პარტნიორებმა არჩევნების საკითხი წამოჭრეს, რაც იმას ნიშნავს, რომ მათ იციან, როგორ დაგვეხმარონ უსაფრთხო არჩევნების ჩატარებაში: ეს, პირველ რიგში, შეიძლება იყოს ცეცხლის შეწყვეტა ან ომის დასრულება“, - განაცხადა ზელენსკიმ.
