საქართველო ლიეტუვასაც დაშორდა, - ამის შესახებ ლიეტუვის პრეზიდენტმა, გიტანას ნაუსედამ ბრიუსელში, ევროპული საბჭოს სამიტის დაწყებამდე განაცხადა.
მისი თქმით, საქართველოში ბოლო დროს განვითარებული მოვლენები არ არის შესაბამისობაში იმასთან, რასაც ევროკავშირი მიიჩნევს დემოკრატიად.
"ის, რაც საქართველოში ხდება, არ არის შესაბამისობაში იმასთან, რასაც ევროკავშირი მიიჩნევს დემოკრატიად. ცოტა არ იყოს განაწყენებული ვარ ბოლო დროინდელი მოვლენებით. ძალიან დიდი ემპათიაა ამ კუთხით ჩემ ქვეყანაში, რადგან საქართველო ლიეტუვასაც დაშორდა, ჩვენ გვაქვს ძალიან მჭიდრო კავშირები, ემოციური კავშირები, ტრადიციული ისტორიული კავშირები. ძალიან სამწუხაროა იმის ნახვა, რომ საქართველო არ უახლოვდება, არამედ შორდება ევროკავშირს. ვიდრე ისინი არ გაიაზრებენ, რომ პატივი უნდა სცენ დემოკრატიულ კანონებს, ადამიანის უფლებებს და კანონის უზენაესობას, ვფიქრობ, მდგომარეობა ძალიან გართულდება. და ეს იმედგაცრუება იქნება ქართველი ხალხისთვისაც, რომელიც ელოდება რომ ქვეყანა ევროკავშირის გზაზე პროგრესს განიცდის," - განაცხადა ნაუსედამ.
