თვის ბოლოდან, "აჭარის ტურიზმის სააგენტო" სუვენირების გაყიდვას იწყებს.
"აჭარის ტურიზმის სააგენტოს" ხელმძღვანელის, სოფო ნიკოლაიშვილის განცხადებით, თებერვლის ბოლომდე გაყიდვაში გამოვა სხვადახხვა სახის სუვენირები, რომელზედაც აჭარისათვის და ბათუმისთვის დამახასიათებელი სიმბოლოები იქნება გამოსახული.
პირველი ეტაპისათვის სააგენტო ჭიქების, ბრელოკებისა და სპეციალური მაისურების სერიულ გამოშვებას იწყებს, რომელზედაც რეგიონისათვის დამახასიათებელი სიმბოლოები და წარწერები იქნება დატანილი.
"დღემდე აჭარისთვის დამახასიათებელი სუვენირები საკმაოდ მცირე იყო და სწორედ ამან განაპირობა ის, რომ სუვენირების გამოშვების სერია დაგვეწყო. ეს იქნება ჭიქები ბათუმისთვის დამახასიათებელი სიმბოლოებით, მაისურები, ბრელოკები "შერატონისა" და "პიაცას" გამოსახულებით,"- განაცხადა სოფო ნიკოლაიშვილმა.
მისივე ინფორმაციით, მსურველებს აღნიშნული სუვენირების შეძენა მხოლოდ "აჭარის ტურიზმის სააგენტოს" საინფორმაციო ცენტრებში შეეძლებათ.
შეგახსენებთ, რომ აჭარის ავტონომიური რესპუბლიკის ტურიზმისა და კურორტების დეპარტამენტის შემადგენლობაში 2010 წლის 13 ივლისის მთავრობის დადგენილებით შეიქმნა ნახევრად კომერციული საჯარო სამართლის იურიდიული პირი "აჭარის ტურიზმის სააგენტო".
წესდების თანახმად, ახალი სააგენტო ვალდებულია ტურისტებს სხვადასხვა სახის ტურისტულ მომსახურება უნდა შესთავაზოს: სასტუმროს ონლაინ დაჯავშნის, სამგზავრო ბილეთისა თუ საექსკურსიო მომსახურების დაჯავშნას, დაინტერესებული პირებისათვის ისეთი სახის ტურების შეთავაზებას, რომელთა შეთავაზება არარენტაბელურობის გამო კერძო ტურისტულ სააგენტობს არ შეუძლიათ.
