უკრაინის პრეზიდენტის ადმინისტრაციის ყოფილმა ხელმძღვანელმა, ანდრიი ერმაკმა, კორუფციული სკანდალისა და თანამდებობის დატოვების შემდეგ განაცხადა, რომ ფრონტზე მიდის,
ამის შესახებ მან გამოცემა New York Post-თან ინტერვიუში თქვა.
„მე ფრონტზე მივდივარ და ნებისმიერი რეპრესიისთვის მზად ვარ. მე პატიოსანი და წესიერი ადამიანი ვარ. მე უხერხულად ვარ, ჩემი ღირსება არ არის დაცული, მიუხედავად იმისა, რომ კიევში 2022 წლის 24 თებერვლიდან ვიმყოფები. არ მინდა ზელენსკისთვის პრობლემების შექმნა - მე ფრონტზე მივდივარ. მეზიზღება ის სიბინძურე, რომელიც ჩემსკენ მომართეს და კიდევ უფრო მეტად მეზიზღება იმ ადამიანების მხარდაჭერის ნაკლებობა, ვინც სიმართლე იცის, მე უკრაინას ვემსახურე შესაძლოა, კიდევ შევხვდეთ ერთმანეთს. დიდება უკრაინას,“ - განაცხადა ერმაკმა.
ყოფილ მაღალჩინოსანს არ დაუკონკრეტებია, რომელ ქვედანაყოფში აპირებს სამსახურს ან ზუსტად როდის ჩავა საბრძოლო მოქმედებების ზონაში.
28 ნოემბერს ანდრიი იერმაკი თანამდებობიდან გადადგა. ამის შესახებ პრეზიდენტმა ვოლოდიმირ ზელენსკიმ განაცხადა და ხაზი გაუსვა, რომ მას სურდა თავიდან აეცილებინა „ჭორები და სპეკულაციები“. მან დასძინა, რომ გარე გამოწვევებისა და ომის ფონზე, უკრაინამ შიდა სტაბილურობა უნდა შეინარჩუნოს.
