კომპანია "ტავ ჯორჯია" ავიაციის თემაზე ფოტო-კონკურსს აცხადებს და მასში მონაწილეობის მისაღებად ფოტოგრაფიით გატაცებულ პიროვნებებს იწვევს.
კონკურსი თბილისის საერთაშორისო აეროპორტის ახალი ტერმინალის გახსნიდან ოთხი წლისთავს ეძღვნება.
კონკურსის თემაა აეროპორტი და ავიაცია. საკონკურსო ნამუშევრები 15 მარტის ჩათვლით მიიღება და მასში მონაწილეობის მიღება ნებისმიერ მსურველს, დამწყებ თუ პროფესიონალ ფოტოგრაფს შეეძლება.
კონკურსში მონაწილემ უნდა წარადგინოს ერთი ფოტო ავიაციის თემატიკაზე. "ტავ ჯორჯია" გამარჯვებული ფოტოების ავტორებს საინტერესო პრიზებს ჰპირდება.
გამარჯვებული კონკურსის დასრულებიდან ერთი კვირის მანძილზე გამოვლინდება.
ფოტო-კონკურსში მონაწილეობის მსურველები კონკურსის წესების გასაცნობად "ტავ ჯორჯიას" გვერდს სოციალურ ქსელ "ფეისბუქზე" უნდა ეწვიონ: www.facebook.com/tavgeorgia
