"ქართული ოცნება" იწყება და მთავრდება ბატონი ბიძინა ივანიშვილით! - ამის შესახებ „ქართული ოცნების“ დეპუტატი დიმიტრი სამხარაძე სოციალურ ქსელში წერს.
"ქართული ოცნება იწყება და მთავრდება ბატონი ბიძინა ივანიშვილით! მე, შენ, ჩვენ, ერისკაცმა მოგვცა იმის შესაძლებლობა, რომ ჩვენს ქვეყანას გულწრფელად, ერთგულად, პატიოსნად და ღირსებით ვემსახუროთ! მაშინ როცა, საქართველოს ინტერესების დასაცავად, მშვიდობის შესანარჩუნებლად და საქართველოს მოსახლეობის უსაფრთხოებისათვის, ბატონი ბიძინა საკუთარ კეთილდღეობას სწირავს, რისკის ქვეშ აყენებს საკუთარი ოჯახის წევრებს, პარალელურად ვიღაცეები თავისი ხუშტურების დაკმაყოფილებას იწყებენ, მოქმედებებით ზიანს აყენებენ სახელმწიფოს და ტალახში სვრიან იმ გზას, რომელიც ჩვენი ქვეყნის გაძლიერებას ემსახურება. ასეთ დროს, ნებისმიერი არასწორი ნაბიჯი ერისკაცის და საქართველოს ღალატია", - წერს დიმიტრი სამხარაძე.
შეგახსენებთ, დღეს პროკურატურამ განაცხადა, რომ ირაკლი ღარიბაშვილის, გრიგოლ ლილუაშვილის, ოთარ ფარცხალაძისა და მათთან დაკავშირებული 8 პირის სახლებში ჩხრეკა ჩატარდა. მათივე ინფორმაციით, ამოღებულია დიდი ოდენობით თანხა და ელექტრომოწყობილობები.
