აშშ-ის პრეზიდენტი დონალდ ტრამპი კანადის პრემიერ-მინისტრს, მარკ კარნის თეთრ სახლში ხვდება. შეხვედრის თემა სავაჭრო საკითხებია.
მარკ კარნი 7 ოქტომბერს ხუთი თვის განმავლობაში მეორედ ეწვია თეთრ სახლს, რათა განიხილოს აშშ-ის მიერ ფოლადის, ავტომობილებისა და სხვა საქონლის იმპორტზე დაწესებული ტარიფები, რომლებიც აზიანებს კანადის ეკონომიკას.
„ის თავიდანვე მომწონდა და კარგი ურთიერთობა გვაქვს. ბუნებრივია კონფლიქტი გვაქვს. ასევე, ორმხრივი სიყვარული გვაქვს... იცით, ერთმანეთი ძალიან გვიყვარს“, - თქვა ტრამპმა შეხვედრის დაწყებამდე.
კანადის პრემიერ-მინისტრი ბოლოს თეთრ სახლს მაისში ეწვია, როდესაც მან პირდაპირ უთხრა ტრამპს, რომ კანადა „არ იყიდება“, აშშ-ის პრეზიდენტის მიერ მეზობელი ქვეყნის ანექსიის შესახებ განმეორებითი მუქარის საპასუხოდ.
მას შემდეგ კანადის პრემიერ-მინისტრი აშშ-ის მიმნართ ბევრ დათმობაზე წავიდა, მათ შორის გაააუქმა ზოგიერთი საპასუხო ტარიფი, ასევე ციფრული მომსახურების გადასახადი, რომელიც ამერიკულ ტექნოლოგიურ კომპანიების წინააღმდეგ იყო მიმართული.
