პოლიციის მიერ აქციის მონაწილეებისთვის გზის გახსნისკენ მოწოდების შემდეგ, მომიტინგეთა იმ ნაწილმაც, რომელსაც მანამდე ტროტუარი ეკავა, გზაზე გადაინაცვლა, პოლიციამ კი ტერიტორია დატოვა. ამ დროისთვის რუსთაველი გამზირი გადაკეტილია.
მანამდე გზის გადაკეტვამ რამდენიმე მძღოლში უკმაყოფილება გამოიწვია, მათ შორის, ერთ-ერთი მძღოლი და მისი თანამგზავრი აქციის მონაწილეებს სიტყვიერად დაუპირისპირდნენ. დაპირისპირების შემდეგ მოქალაქეებმა პროტესტი გააგრძელეს.
აქციის მონაწილეებს ადგილზე მოტანილი აქვთ საქართველოსა და ევროკავშირის დროშები.
დემონსტრანტების მოთხოვნები უცვლელია - დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.
ფოტო: პუბლიკა
