მთავრობის კანცელარიაში ვიცე-პრემიერმინისტრ გიორგი ბარამიძის თავმჯდომარეობით საქართველოს ნატო-ში ინტეგრაციის სახელმწიფო კომისიის სხდომა გაიმართა.
28 იანვარს ქ. ბრიუსელში, ნატო-საქართველოს კომისიის ფარგლებში, პოლიტიკური კომიტეტის სხდომაზე, 2011 წლის წლიური ეროვნული პროგრამის განხილვისა და შესაბამისი პროცედურების განხორციელების შემდეგ, დღევანდელ სხდომაზე წლიური ეროვნული პროგრამა საბოლოოდ დამტკიცდა. პროგრამა პოლიტიკურ, ეკონომიკურ, თავდაცვისა და უსაფრთხოების, სამართლებრივ, განათლებისა და სხვა სფეროებში რეფორმების გეგმებს მოიცავს.
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე ელენე ხოშტარია და საგარეო საქმეთა მინისტრის მოადგილე თორნიკე გორდაძე 2011 წლის წლიურ ეროვნულ პროგრამას 11 თებერვალს ქ. ბრიუსელში ნატო-საქართველოს კომისიის ფარგლებში ჩრდილოატლანტიკურ საბჭოს წარუდგენენ.
