ნატო-ს გენერალურმა მდივანმა მარკ რუტემ განაცხადა, რომ ის მხარს უჭერს დონალდ ტრამპის პოზიციას ალიანსის საჰაერო სივრცის დამრღვევი რუსული თვითმფრინავების ჩამოგდების აუცილებლობასთან დაკავშირებით. ამის შესახებ რუტემ Fox News-თან ინტერვიუში განაცხადა.
შეკითხვაზე, თუ როგორ აფასებს აშშ-ის პრეზიდენტის, დონალდ ტრამპის განცხადებას, რომ მათი საჰაერო სივრცის დარღვევის შემთხვევაში, ნატო-მ უნდა ჩამოაგდოს რუსული თვითმფრინავები, რუტემ უპასუხა, რომ სრულიად ეთანხმება ტრამპს.
ნატო-ს გენერალურმა მდივანმა განაცხადა, რომ ალიანსის სამხედროებს რუსეთის მიერ დარღვევებზე რეაგირების კუთხით ათწლეულების გამოცდილება აქვთ.
„ეს ნიშნავს, რომ პილოტები და სამხედრო პერსონალი მუდმივად აფასებენ საფრთხეებს და საჭიროების შემთხვევაში, სულ მცირე, ამ თვითმფრინავებს ალიანსის ტერიტორიიდან გაიყვანენ. მაგრამ, საჭიროების შემთხვევაში, ჩვენ ასევე მეტს გავაკეთებთ და უკიდურეს ზომებს მივიღებთ ჩვენი მოსახლეობის დასაცავად“, – განაცხადა რუტემ.
