აშშ-ის რესპუბლიკელმა სენატორმა ლინდსი გრემმა მხარი დაუჭირა დონალდ ტრამპის განცხადებას უკრაინაში ომთან დაკავშირებით და აღნიშნა, რომ ევროპის მხარდაჭერითა და ამერიკული იარაღით უკრაინას შეუძლია რუსეთის განდევნა.
სენატორმა დონალდ ტრამპის განცხადებას იმის შესახებ, რომ უკრაინას აქვს შანსი, აღადგინოს კონტროლი მთელ თავის ტერიტორიაზე საერთაშორისოდ აღიარებულ საზღვრებში, „გარდამტეხი მომენტი“ უწოდა. ამის შესახებ გრემი Х-ზე წერს.
„პრეზიდენტ ტრამპის განცხადება უკრაინაში ომთან დაკავშირებით, რომელშიც ის მიიჩნევს, რომ ევროპის მხარდაჭერითა და ამერიკული იარაღით უკრაინას შეუძლია რუსეთის განდევნა თავისი ქვეყნიდან, გარდამტეხი მომენტია,“ - წერს გრემი.
გრემმა აღნიშნა, რომ ეს აჩვენებს „ვალდებულებას, გაგრძელდეს ნატო-სთვის მაღალი ხარისხის ამერიკული იარაღის მიყიდვა უკრაინის სასარგებლოდ, რაც ფუნდამენტურად ცვლის სამხედრო სიტუაციას რუსეთისთვის“.
სენატორმა, ასევე აღნიშნა, რომ ქვეყნებზე, რომლებიც იაფფასიან რუსულ ნავთობსა და გაზს ყიდულობენ, კერძოდ, ჩინეთზე, ინდოეთსა და ბრაზილიაზე ეკონომიკურ ზეწოლა, სისხლისღვრის ღირსეული და სამართლიანი დასრულების იმედს იძლევა.
„პრეზიდენტი ტრამპი მართალია თავის შეფასებაში, რომ რუსეთის ეკონომიკა სტრესის ქვეშაა და სიტუაცია მხოლოდ გაუარესდება, თუ იაფი რუსული ნავთობისა და გაზის ყიდვას ტოქსიკურს გავხდით მათთვის, ვინც ამ გზას ირჩევს. დროა, ეს სისხლისღვრა შეწყდეს. ყოჩაღ, ბატონო პრეზიდენტო,“ - წერს გრემი.
შეგასენებთ, ტრამპმა განაცხადა, რომ ახლა უკრაინას აქვს შანსი, აღადგინოს კონტროლი მთელ თავის ტერიტორიაზე საერთაშორისოდ აღიარებულ საზღვრებში.
