ისრაელის თავდაცვის ძალებში აცხადებენ, რომ, უსაფრთხოების სამსახურ შინ ბეთთან თანამშრომლობით, "ჰამასის" ხელმძღვანელობაზე საჰაერო იერიშები მიიტანეს. იერიშების სამიზნე კატარის დედაქალაქ დოჰაში მდებარეობდა.
განცხადებაში კატარი პირდაპირ არ არის ნახსენები, თუმცა განცხადება მას შემდეგ გავრცელდა, რაც დოჰაში, სადაც "ჰამასის" უმაღლესი ხელმძღვანელობა ცხოვრობს, მომხდარი მასშტაბური აფეთქებების შესახებ ინფორმაცია გავრცელდა.
„ხელმძღვანელობის წევრები, რომლებზეც დარტყმა განხორციელდა, 7 ოქტომბრის ხოცვა-ჟლეტასა და ისრაელის სახელმწიფოს წინააღმდეგ ომზე არიან პასუხისმგებელი“, - ნათქვამია განცხადებაში.
