"კობახიძის ძალაუფლების კონსოლიდაცია ივანიშვილის უნდობლობასა და რეჟიმის კრიზისზე მიუთითებს, ამიტომ ყველა უნდა ვკონსოლიდირდეთ, რადგან რეჟიმი ახლა ყველაზე სუსტია", - აცხადებს "ნაციონალური მოძრაობის" თავმჯდომარე, თინა ბოკუჩავამ.
მისი თქმით, ივანიშვილი აღარავის ენდობა, რაც რეჟიმის ჩამოშლის წინაპირობაა.
"ირაკლი კობახიძის ძალაუფლების კონსოლიდაცია სინამდვილეში მიანიშნებს ივანიშვილის უნდობლობაზე ყველას მიმართ, რომ ღრმა კრიზისშია შესული ივანიშვილი როგორც ინსტიტუციურად, ისე პიროვნულად, ის აღარავის ენდობა, რაც რეჟიმის ჩამოშლის წინაპირობაა და ამაზე მიანიშნებს კრიზისი, რომელიც აბსოლუტურად ყველა სახელმწიფო უწყებაში არის, იქნება ეს მართლმსაჯულების, აღმასრულებელი შტო, სუს-ი, სადაც მოუწიათ ხელმძღვანელის გამოცვლა თუ ნებისმიერი სხვა, ამიტომ არის მნიშვნელოვანი, რომ დემოკრატიული პოლიტიკური ძალები მაქსიმალურად ვკონსოლიდირდეთ და ვკონცენტრირდეთ რეჟიმის ცვლილებაზე იმ მომენტში, როდესაც რეჟიმი ყველაზე დასუსტებულია.” - განაცხადა თინა ბოკუჩავამ.
