ჩეჩნეთის ხელმძღვანელი რამზან კადიროვი აცხადებს, რომ პოლიტიკური კარიერის გაგრძელებას აღარ აპირებს. იგი თავის თავს მებრძოლად მიიჩნევს და არა ჩინოვნიკად.
"თავს პოლიტიკური მოღვაწედ არ ვგრძნობ. თუმცა თუკი იქნება სახელმწიფოს ხელმძღვანელობის გადაწყვეტილება, იმის შესახებ, რომ რუსეთი დავიცვათ ჩვენ ვალდებულნი ვართ. მე მოქმედი ოფიცერი ვარ და თავს მებრძოლად მივიჩნევ, ამიტომაც რუსეთის დაცვა ჩემთვის დიდი პატივია", _ განაცხადა კადიროვმა გადაცემა "ნერეალნაია პოლიტიკას" მსვლელობის დროს.
"ჩემგან თავდაცვის მინისტრი არ გამოვა, აი მებრძოლი კი კარგი გამოვა. მე ძალმიძს წინ გაძღოლა და ამოცანების შესრულება", _ განაცხადა კადიროვმა და დასძინა, რომ ამჟამად რუსეთს მხოლოდ ერთი ლიდერი ჰყავთ, რომელიც აკეთებს ყველაფერს "შესაძლებელს და შეუძლებელს".
"მე ვბაძავ ამ ადამიანს, ეს ვლადიმერ ვლადიმერის ძე პუტინია და ვცდილობ იგივე პოლიტიკა ვაკეთო რომელსაც ის აკეთებს", _ აცხადებს კადიროვი.
