ევროკავშირის მიერ სანქციების დაწესება, ბელორუსს საბოლოოდ მოაქცევს რუსეთის გავლენის ქვეშ.
ამის შესახებ "ჯი-ეიჩ-ენს" ექსპერტმა სოსო ცინცაძემ ბელორუსსა და ევროკავშირს შორის ბოლო დროს გართულებული ურთიერთობების შეფასებისას განუცხადა.
"31 იანვარს ევროკავშირის საგარეო საქმეთა მინისტერიალზე ბელორუსისთვის სანქციების დაწესების საკითხი განიხილება. იმ შემთხვევაში თუ ალექსანდრე ლუკაშენკო უარს იტყვის პოლიტპატიმრების განთავისუფლებაზე და რეფორმების გატარებაზე, ევროკავშირის ქვეყნებში მას და მის მაღალჩინოსნებს შესვლას აუკრძალავენ. ასევე, ბელორუსში განხორციელებული რეპრესიების გამო ევროკავშირმა 3 მილიარდი ევროს გამოყოფაზე უკვე უარი თქვა. თუმცა, ამ სანქციები შეიძლება ორლესული მახვილად იქცეს, რადგან დიდი შანსია, რუსეთის გავლენის ქვეშ მოექცეს", - აღნიშნა ცინცაძემ და აქვე დაძინა, რომ ლუკაშენკო სხვა არჩევანი აღარ დარჩება გარდა, კრემლის ყველა წინაპირობის შესრულების.
ექსპერტის შეფასებით, ბელორუსს 11 მილიარდი დოლარი სჭირდება, სხვანაირად მას "დეპორტი" ელოდება, ამიტომ არსებობს სერიოზული საფრთხე, რომ მინსკი იძულებული გახდება რუსეთის მორჩილი გახდეს.
ამასთან, ცინცაძემ ხაზი გაუსვა იმ გარემოებასაც, რომ ევროკავშირმა თავის მოთხოვნა ბელორუსის მიმართ შეცვალა და თუ თავდაპირველად ახალი არჩევნების ჩატარებას ითხოვა, ახლა თანახმაა ლუკაშენკოს პრეზიდენტობას შეეგოს იმ შემთხვევაში, თუ ქვეყანაში რეფორმები დაიწყება.
შეგახსენებთ, რომ 2010 წლის 19 დეკემბერს ბელორუსის საპრეზიდენტო არჩვენების დასულების შემდეგ საპრეზიდენტო კანდიდატები და მათი მომხრეები მინსკში არეულობის ორგანიზების ბრალდებით დააკევს, ხოლო ქვეყნის მოქმედი პრეზიდენტი ალექსანდრე ლუკაშენკო კი არჩევნებში გამარჯვებულად აღიარეს.
აღსანიშნავია, რომ ბელორუსის ხელისუფლების გადაწვეტილებით ექს-კანდიდატებს და მათ მომხრეების ნაწილს პატიმრობა შინა პატიმრობით შეუცვალეს და გაანთავისუფლეს.
