დღეს, 31 იანვარს, ეკონომიკის ქართველი ექსპერტები და ანალიტიკოსები ქვეყანაში ინფლაციის დაძლევის შესაძლებლობებთან დაკავშირებით, სადისკუსიო შეხვედრას გამართავენ.

მრგვალი მაგიდა თემაზე: "ინფლაცია საქართველოში - პრობლემის მასშტაბები, მოვლენათა შესაძლო განვითარების პერსპექტივა და რეკომენდაციები ხელისუფლებისთვის~ - გაიმართება.

"მრგვალი მაგიდის" მონაწილეები აპირებენ განიხილონ პოლიტიკური პარტიების, არასამთავრობო ორგანიზაციებისა და სახელისუფლო სტრუქტრურების პროგრამები და მიდგომები ინფლაციისა და მისგან მომდინარე უარყოფითი შედეგების დაძლევის შესახებ.

პირველ შეხვედრაზე ექსპერტები და ანალიტიკოსები განიხილავენ "ახალი მემარჯვენეების" (დავით გამყრელიძე) მიერ საზოგადოებისთვის შეთავაზებულ წინადადებებს ინფლაციის დაძლევის თაობაზე.
განხილვაში მონაწილეობას მიიღებენ ექსპერტები: ლადო პაპავა, მერაბ კაკულია, დავით ნარმანია, ირაკლი ლექვინაძე, ელგუჯა მექვაბიშვილი, სოსო არჩვაძე, ვაჟა ბერიძე, მერაბ ჯანიაშვილი, დემურ გიორხელიძე, დავით ონოფრიშვილი, თემურ მურღულია, ნოდარ ხადური, სოლომონ პავლიაშვილი, სოსო ცისკარიშვილი, გია ხუხაშვილი, მიხეილ ჯიბუტი, მიხეილ დუნდუა და სხვები.

`მრგვალ მაგიდასთან," აგრეთვე მოწვეულნი არიან ქვეყნის ეკონომიკური პოლიტიკის განხორციელებაზე პასუხისმგებელი პირველი პირებიც.

შეხვედრის მოწვევის ინიციატორია ყოველკვირეული ეკონომიკური გაზეთი "ბანკები და ფინანსები."

ღონისძიების მოდერაციას განახორციელებს გაზეთის მთავარი რედაქტორი ზურაბ კუკულაძე.

შეხვედრა სასტუმრო "ჰოლიდეი ინის" საკონფერენციო დარბაზში 13:00 საათზე დაიწყება.