კალიფორნიის გუბერნატორმა, გევინ ნიუსომმა განაცხადა, რომ აშშ-ის პრეზიდენტმა დონალდ ტრამპმა ლოს ანჯელესში, სადაც უკვე რამდენიმე დღეა არალეგალი მიგრანტების მასობრივი დაკავების წინააღმდეგ საპროტესტო აქციები მიმდინარეობს, ეროვნული გვარდიის დამატებით 2 000 ჯარისკაცის განლაგების ბრძანება გასცა.
„ახლახან შემატყობინეს, რომ ტრამპი ლოს-ანჯელესში ეროვნული გვარდიის დამატებით 2000 ჯარისკაცს გაგზავნის“, - დაწერა მან X-ზე.
ნიუსომი დარწმუნებულია, რომ ტრამპი ასეთი ბრძანების გაცემით „საზოგადოებრივი უსაფრთხოების ინტერესებიდან გამომდინარე არ მოქმედებს“, და მას უბრალოდ „საპრეზიდენტო“ ეგოს დაკმაყოფილება სურდა.
გუბერნატორი აცხადებს, რომ ლოს ანჯელესში მანამდე განლაგებული 2 000 ეროვნული გვარდიის ჯარისკაციდან მხოლოდ 300 მონაწილეობს აქტიურად არეულობების წინააღმდეგ ბრძოლაში, დანარჩენები კი „ფედერალურ შენობებში უსაქმოდ სხედან“.
