რუსმა სამართალდამცველებმა 35 წლის მოსკოველი დააკავეს, რომელმაც მოსკოვის აეროპორტებში ხუთი ცრუ ზარი ბომბის არსებობს შესახებ განახორციელა.
ამის შესახებ "ინტერფაქსი" ადგილობრივ სამართლადმაცველებზე დაყრდნობით იუწყება, რომელთა ინფორმაციითაც, აღნიშნულთან დაკავშირებით სისხლის სამართლის საქმე "ტეროროსტული აქტის შესახებ ცრუ ინფორმაციის გავრცელებითვის" აღიძრა.
არსებული ინფორმაციით, შაბათს 20 წუთიანი ინტერვალებით ხუთჯერ სატელეფონო ზარი უცნობი პირისგან განხორციელდა, რომელიც იუწყებოდა, რომ "დომოდედოვოს" და "შერემეტევოს" აეროპორტებში რამდენიმე წუთში აფეთქება მოხდებოდა.
სატელეფონო ზარები შედიოდა როგორც ქალაქის, ასევე მობილური ტელეფონიდან და ორივე ნომერი ერთი და იგივე მოსკოვში მცხოვრებს ეკუთვნოდა.
"ოპერატიულმა სამსახურმა დაადგინა სატელეფონო ზარების ავტორის ვინაობა და მისი მისამართი, რის შემდეგაც ლებედიანსკის ქუჩაზე კაცი საკუთარ ბინაში მაშინ დააკავეს, როდესაც იგი მეექვსედ აპირებდა ბომბის არსებობის შესახებ დარეკვას", - განაცხადა "ინტერფაქსის" წყარომ.
სააგენტოს ინფორმაციით, როგორც მოგვიანებით გაირკვა, 35 წლის კაცი იყო ძალიან მთვრალი და მისი მტკიცებით, ზარების მიზანი იყო შეემოწმებინა, როგორ მუშაობს რუსული მილიცია, ბომბის არსებობის შესახებ ინფორმაციის მიღებისას.
