უკრაინის პრეზიდენტის ადმინისტრაციაში ვარაუდობენ, რომ ვოლოდიმირ ზელენსკი აშშ-ის პრეზიდენტ დონალდ ტრამპს შეხვდება,„დიდი შვიდეულის“ სამიტის ფარგლებში, რომელიც 15-17 ივნისს კანადაში იმართება.
ამის შესახებ უკრაინის პრეზიდენტის ადმინისტრაციის ხელმძღვანელმა, ანდრიი ერმაკმა ისაუბრა.
ერმაკმა აღნიშნა, რომ პირველი ვიცე-პრემიერის, იულია სვირიდენკოს ხელმძღვანელობით უკრაინის დელეგაციის აშშ-ში ვიზიტის მიზანი, სხვა საკითხებთან ერთად, კანადაში G7-ის სამიტის დროს ზელენსკის და ტრამპს შორის შესაძლო შეხვედრის მომზადება იყო.
„ჩვენი ვიზიტი იყო მოსამზადებელი ეტაპი, მათ შორის, ვფიქრობ, უკრაინის პრეზიდენტ ვოლოდიმირ ზელენსკის და პრეზიდენტ ტრამპს შორის შეხვედრისთვის, რომელიც კანადაში დიდი შვიდეულის სამიტის ფარგლებში 10 დღეში გაიმართება. ეს იყო ერთ-ერთი მნიშვნელოვანი ნაბიჯი ამ საუბრისთვის მოსამზადებლად“, - განაცხადა ანდრიი ერმაკმა.
ერმაკმა ასევე განაცხადა, რომ უკრაინის დელეგაცია შეხვდა სენატის წევრებს და აშშ-ის კონგრესის ორივე პალატის ძირითადი კომიტეტების ხელმძღვანელებს, მისი თქმით, შეხვედრებზეგანმარტეს უკრაინის პოზიცია ომთან და რუსეთის წინააღმდეგ სანქციებთან დაკავშირებით.
ზელენსკის და ტრამპის წინა შეხვედრა ვატიკანში 26 აპრილს შედგა.
