ყაბარდო-ბალყარეთში ჩეგემსკის რაიონის ადმინისტრაციის ხელმძღვანელი მიხაილ მამედოვი მოკლეს. ინფორმაციას ამის შესახებ რუსული მედია ადგილობრივ სამართალდამცავებზე დაყრდნობით ავრცელებს.
მათივე ინფორმაციით, მამედოვს უცნობმა პიროვნებამ ზურგში ოთხჯერ ესროლა. მკვლელობა მაშინ მოხდა, როდესაც ადმინისტრაციის ხელმძღვანელი სამსახურიდან ბრუნდებოდა და სახლში შედიოდა.
"ჩინოვნიკი თავდასხმის შემდეგ საავადმყოფოში გადაიყვანეს, თუმცა მისი გადარჩენა ვერ მოხერხდა და იგი მიღებული ჭრილობებისაგან გარდაიცვალა", _ იუწყება რუსული მედია.
აღნიშნულ ფაქტზე "განზრახ მკვლელობისა" და "იარაღის უკანონო ბრუნვის" მუხლებით აღძრულია სისხლის სამართლის საქმე და მიმდინარეობს გამოძიება.
