დღეს, 29 იანვარს, საქართველოს პროკურატურა პრობაციონერ გელა არჯევანიძეს დაასაქმებს.
როგორც "ჯი-ეიჩ-ენს" საქართველოს პროკურატურიდან აცნობეს, გელა არჯევანიძეს მუშაობას დაიწყებს ზესტაფონის კომუნალური მეურნეობის და კეთილმოწყობის სამსახურში.
არჯევანიძეს დასაქმების რეკომენდაცია ზესტაფონის რაიონულმა პროკურატურამ მისცა. ის დაოჯახებულია, ჰყავს მეუღლე და ორი მცირეწლოვანი შვილი. არჯევანიძის ოჯახი სოციალურად დაუცველთა ბაზაშია რეგისტრირებული. ანაზღაურებადი სამუშაო არჯევანიძეების შემოსავლის ერთადერთი წყარო იქნება.
