სამხრეთ კავკასიაში ევროსაბჭოს სპეციალურმა წარმომადგენელმა პიტერ სემნებმა საქართველოს პარლამენტის თავმჯდომარეს, დავით ბაქრაძეს, აფხაზეთის ოკუპირებულ რეგიონში ვიზიტის შედეგები გააცნო.
როგორც ბაქრაძესთან შეხვედის შემდეგ ევროსაბჭოს სპეციალურმა წარმომადგენელმა ჟურნალისტებს განუცხადა, ბაქრაძესთან შეხვედრაზე საუბარი მომავალ საპარლამენტო არჩევნებისთვის მზადებას და საარჩევნო კოდექსზე მუშაობის საკითხებსაც შეეხო.
"ვისაუბრეთ საპარლამენტო არჩევნების მზადების საკითხებზე, ასევე საარჩევნო კოდექსის განახლებაზე, რომელიც განსაკუთრებით მნიშვნელოვანია. პარლამენტის თავმჯდომარეს ჩემი სოხმუმში ვიზიტის შესახებ მოვუყევი, თუ როგორ შეიძლება ჰუმანიტარულ საკითხებზე მუშაობა, მათ შორის ჯანდაცვის მიმართულებით", - აღნიშნა სემნებიმ.
სემნების თქმით, საუბარი შეეხო საერთაშორისო დონეზე რუსეთ-საქართველოს საკითხების განხილვისას.
შეგახსენებთ, რომ სამხრეთ კავკასიაში ევროსაბჭოს სპეციალური წარმომადგენელი პიტერ სემნები გუშინ სოხუმში იმყოფებოდა, სადაც აფხაზეთის სეპარატისტული რეჟიმის ე.წ. პრემიერ-მინისტრ სერგეი შამბას შეხვდა.
