პარლამენტის თავმჯდომარის დავით ბაქრაძის შეფასებით გიორგი პერტაიას კანდიდატურა ბიზნეს ომბუცმენის მოთხოვენებს სრულად აკმაყოფილებს, _ ამის შესახებ ბაქრაძემ დღეს პარლამენტში საქართველოს პრემიერ-მინისტრ ნიკა გილაურთან ბიზნესომბუდსმენის კანდიდატურების საკითხთან დაკავშირებით გამართული კონსულტაციის დასრულების შემდეგ განაცხადა.
"ჩვენი მთავარი ამოცანაა, რომ ხელისუფლებასა და ბიზნესს შორის ურთიერთობა პარტნიორულ საფუძვლებზე იყოს აგებული. ახალ ბიზნესომბუდსმენი, ბევრ თვისებასთან ერთად, როგორიც არის პრინციპულობა, კვალიფიკაცია და ცოდნა, ასევე უნდა იყოს ისეთი ადამიანი, რომელიც დაეხმარება ბიზნესს ხელისუფლებასთან ურთიერთობაში და პირიქით",- აღნიშნა ბაქრაძემ.
მისივე თქმით, ბიზნესომბუდსმენმა უნდა უზურნველყოს კერძო სექტორის პრობლემების ხელისუფლებამდე მიტანა, დისკუსიების წარმოება და ამ პრობლემების მოგვარება.
"ჩემი აზრით, გიორგი პერტაია არის ის კანდიდატი, რომელსაც გააჩნია ყველა ჩამოთვლილი თვისება, კომპეტენცია და რაც მთავარია, ურთიერთობები რომ დაგვეხმაროს ხელისუფლებასა და ბიზნესს პარტნიორული ურთიერთობების აწყობაში. სწორედ ამიტომ მხარი დაუჭირეთ პერტაიას კანდიდატურას", - განაცხადა პარლამენტის თავმჯდომარემ.
მისივე შეფასებით, პერტაიას მუშაობაზე დამოკიდებული იქნება ახალი თანამდებობა რამდენად იქნება წარმატებული და ბიზნესგარემო რამდენად გაუმჯობესდება საქართველოში", - განაცხადა დავით ბაქრაძემ.
