ბიზნესომბუდსმენის თანამდებობაზე გიორგი პერტაია დაიკავებს. პრემიერ-მინისტრი ბიზნესომუბუდსმენს საზოგადოებას დღეს წარუდგენს. თანამდებობაზე გიორგი პერტაიას პრემიერ-მინისტრი ნიკა გილაური დღესვე დანიშნავს, _ ამის შესახებ საქართველოს განუცხადა ჟურნალისტებს.
"მოგეხსენებათ ახალი საგადასახადო კოდექსი იანვრიდან შევიდა ძალაში რომლის მიხედვითაც პრემიერ-მინისტრი პარლამენტთან შეთანხმებით ნიშნავს საგადასახადო და ბიზნეს ომბუდსმენს. დავით ბაქრაძესთან შეხვედრაზე ის კანდიდატურები განვიხილეთ, რომელიც სხვადასხვა სექტორების მიერ იყო შემოთავაზებული, მაგრამ ვფქრობთ რომ ყველაზე მისაღები კანდინდატურა გიორგი პერტაიაა" - აღნიშნა გილაურმა პრემიერმა პარლამენტის თავმჯდომარესთან დავით ბაქრაძესთან კონსულტაციის დასრულების შემდეგ.
მისივე თქმით, ამ თანამდებობის შემოღების მთავარი მიზანია სახელმწიფო და კერძო სტრუქტურების მუშაობის დაახლოვება.
"ეს ძალიან მნიშვნელოვანი პოსტია და გიორგი პერტაია გააგრძელებს ჯერ კიდევ ერთი წლის წინ დაწყებულ სამუშაოს, კერძოდ კი იგი ამ პერიოდის განმავლობაში კერძო სექტორთან აქტიურად მუშაობდა და ამ მხრივ დიდი გამოცდილება აქვს" - აღნიშნა პრემიერმა.
მისივე თქმით, გიორგი პერტაია საკუთარი მიზნების და ამოცანების შესახებ დღესვე დაგეგმილ პრესკონფერენციაზე ისაუბრებს. ახალი ბიზნესომბუდსმენის, გიორგი პერტაიას ბრიფინგი დღეს მთავრობის სახელმწიფო კანცელარიაში 17:00 საათზეა დაგეგმილი.
